Tech Travel n Maloos Kitchen

പച്ച സ്രാവ് മുളകുകറി

Loading...

ആദ്യം മീൻ(1kg )ചെറിയ പീസ് ആക്കി ഉപ്പും, വിന്നാഗിരിയിയും ചേർത്തു നന്നായി കഴുകിയെടുക്കുക.

ഒരു മൺചട്ടിയിൽ ഒരുമുറി തേങ്ങ അരിഞ്ഞതും, ഒരുതണ്ട് കറിവേപ്പില, ആവശ്യത്തിനു ഉപ്പും , കുടംപുളിയും, രണ്ടുഗ്ലാസ്സ് വെള്ളവും ചേർത്തു തിളപ്പിക്കുക. (ഇങ്ങനെ ചെയ്താൽ മീനിനു നല്ലതുപോലെ പുളിയും,ഉപ്പും പിടിക്കും)

ഇനി നാലുസ്പൂൺ (എരി കൂടുതൽ വേണ്ടവർക്ക് മുളകുപൊടി കുറച്ചുകൂടി ചേർക്കാം. ) മുളകുപൊടിയും, ഒരുസ്പൂൺ മല്ലിപൊടി, അരസ്പൂൺ കുരുമുളകുപൊടി, കുറച്ചു മഞ്ഞൾപൊടി, രണ്ടു ചുള വെളുത്തുള്ളി, ചെറിയകഷ്ണം ഇഞ്ചി എന്നിവ നന്നായി അരച്ചെടുക്കുക .

!-- Composite Start -->

ഒരു പാനിൽ എണ്ണയൊഴിച്ചു കടുകു, ഉലുവ ഇവ പൊട്ടിക്കഴിയുമ്പോൾ ഇഞ്ചി, വെളുത്തുള്ളി ഇവ ഓരോ സ്പൂൺ അരിഞ്ഞതിട്ടു വഴറ്റുക. രണ്ടു തണ്ടു കറിവേപ്പിലയും ചേർത്തു മൂപ്പിക്കുക.

ഇനി ഇതിലേക്ക് അരച്ചു വച്ച മുളകിട്ടു മൂപ്പിക്കുക. നന്നായി ചുമന്നുവരുമ്പോൾ ഈ അരപ്പു തിളപ്പിച്ചു വച്ച പുളിവെള്ളത്തിൽ ചേർത്തു വീണ്ടും തിളപ്പിക്കുക. ഇനി മീൻ ചേർക്കാം.

മീൻ വെന്തു കുറുകി എണ്ണ തെളിഞ്ഞു വരുമ്പോൾ കറി വാങ്ങിവച്ചു കുറച്ചു കറിവേപ്പിലയും കൂടി മുകളിൽ വിതറുക.
സൂ. .സൂ. .സൂ. സൂപ്പർ മീൻകറി റെഡി.

Loading...